گروهی از فعالان حقوق بشری ضمن ابراز نگرانی از «وضعیت نامطلوب مهاجران افغانستانی در پاکستان»، ‌خواستار «توقف فوری سوء رفتار با بی‌خانمان‌های کشور همسایه» شدند.

برخی از فعالان حقوق بشری از پاکستان خواسته‌اند تا «اصول بین‌المللی را در برابر مهاجران افغان» رعایت کند. آنها می‌گویند پلیس پاکستان باید فورا آزار و اذیت مهاجران افغانستانی را متوقف کند. از سوی دیگر، شماری از مهاجران افغان در پاکستان به رسانه‌ها گفته‌اند پلیس در بسیاری از موارد برای بازداشت مهاجران جست وجوی خانه به خانه انجام می‌دهد. برخی از مهاجران افغانستانی گفته‌اند پلیس پاکستان با حمله به محل زندگی مهاجران، آنها را مورد ضرب و شتم قرار می‌دهند. سخنگوی حکومت افغانستان ضمن محکومیت رفتار پاکستان، تاکید کرده است که مهاجران افغانستانی تهدیدی برای امنیت پاکستان نیستند و دولت اسلام‌آباد باید از آزار و اذیت آنها خودداری کند.